Nairobi 105.9 Mombasa 103.5 Mogadishu 97.0 Garissa 97.1 Kismayu 89.5
Wajir 97.3 Isiolo 92.5 Mandera 97.5 Moyale 87.9 Masalani 97.1
Marsabit 87.7 Balambala 97.1 Laisamis 87.7 Dadaab 97.1 Habasweyne 97.3
Home Wararka Kenya Ku dhawaad 8,000 oo arday ah oo aan codsan inay ku biiraan...

Ku dhawaad 8,000 oo arday ah oo aan codsan inay ku biiraan jaamacadaha iyo machadyada

Wasaaradda waxbarashada ee dalka ayaa sheegtay in ugu yaraan 7,850 ka mid ah ardaydii sameeyay imtixaanka shaaddiga ee dugsiyada sare (KCSE-da) ee sanadkii 2020-kii aynan codsan in fursad loo siiyo ku biiridda jaamacadaha iyo machadyada dalka.
Waxaa arrinkan shaaca ka qaaday wasiirka tacliinta ee Kenya Prof. George Magoha.
Wasiirka ayaa xusay in 142,540 arday ah oo u qalmo inay bartaan culuunta heerka Degree 134,690 ka mid ah la siiyay culuuntii ay codsadeen inay bartaan.
Magoha ayaa carrabka ku adkeeyay inaan fursad dheeraad ah la siin doonin ardayda aan ka faa’iidaysan muddadii loo qabtay.
Wuxuu intaasi ku daray in ilaa saddex mar dib u eegis lagu sameeyay codsiyada ardayda.
Sidoo kale wasiirka ayaa walaac ka muujiyay in ardayda qaar ay ilaa saddex mar qoreen inay doonayaan barashada tusalae culuunta caafimaadka taasoo laga wanaagsan yahay.
Wasaaradda waxbarashada ee Kenya ayaa dhanka kale soo dhaweysay inay korortay tirada dhallinyarada ee daneynaya inay bartaan farsamada gacanta.
Arday dhan 6,617 ee helay buundada C+ iyo wixii ka sarreeya ayaa codsaday culuunta farsamada marka loo barbardhigo sanadkii 2019-kii oo ay tiradan ahayd 2,632.

 

LEAVE A REPLY

Please enter your comment!
Please enter your name here

- Advertisment -

Most Popular

Recent Comments