Nairobi 105.9 Mombasa 103.5 Mogadishu 97.0 Garissa 97.1 Kismayu 89.5
Wajir 97.3 Isiolo 92.5 Mandera 97.5 Moyale 87.9 Masalani 97.1
Marsabit 87.7 Balambala 97.1 Laisamis 87.7 Dadaab 97.1 Habasweyne 97.3
Home Wararka Kenya Dowladda oo xoojisay amniga Laikipia

Dowladda oo xoojisay amniga Laikipia

Dowladda dhexe ayaa adkeysay ammaanka deegaan baarlamaneedka galbeedka Laikipia ka dib falal amni darro oo dhawaan halkaasi ka dhacay.
Guddoomiye ku xigeenka dowladda dhexe ku matalo deegaankaasi Hezron Nyamberi iyo dhigiisa Nyahururu Moses Murwoki ayaa waalidiinta ugu baaqay inay carruurtooda dib ugu celiyaan goobaha waxbarashada.
Mas’uuliyiintan ayaa sheegay in la howlgeliyay ciidamo dheeraad ah si ay u sugaan amniga.
Waxay ballanqaadeen in la badbaadinayo nolosha ardayda iyo macallimiinta wax ka dhigo ilaa toban dugsi oo ay saameeyeen falalka burcadnimo ee halkaasi ka jiro.
Iskudhacyada ayaa u dhexeya beeralayda iyo xoolo dhaqatada ismaamulka Laikipia.
Maalmo ka hor ayay ahayd markii uu wasiirka wasaaradda arrimaha gudaha ee dalka Dr. Fred Matiang’i amar ku bixiyay in xoolo dhaqatada ay muddo toddobo cisho gudahood ah iskaga baxaan beeraha ay sida sharci darrada ah ku galeen.

LEAVE A REPLY

Please enter your comment!
Please enter your name here

- Advertisment -

Most Popular

Recent Comments