Nairobi 105.9 Mombasa 103.5 Mogadishu 97.0 Garissa 97.1 Kismayu 89.5
Wajir 97.3 Isiolo 92.5 Mandera 97.5 Moyale 87.9 Masalani 97.1
Marsabit 87.7 Balambala 97.1 Laisamis 87.7 Dadaab 97.1 Habasweyne 97.3
Home Wararka Kenya Maxakmadda sare oo diiday codsi uga yimid barasaabka ismaamulka Migori

Maxakmadda sare oo diiday codsi uga yimid barasaabka ismaamulka Migori

Maxkamada sare ee dalka ayaa diiday codsi uga yimid gudoomiyaha ismaamulka Migori Okoth Obado kaas oo ahaa in dib loo dhigo dhagaysiga dacwad lagu eedeeyay ee ka dhanka ah in uu gacan ka gaystay dilkii loo gaystay gabadh uur lahayd oo dhiganaysay jaamacad taas oo lagu magacaabi jiray Ms Sharon Otieno.
Mr Obado ayaa sheegay in uusan u safri karin magaalada Nairobi halkaas oo lagu maxkamadeynayo sababo la xiriira xayiraada Covid-19 ee la saaray gobolka Nyanza.
Waxaa uuna maxkmadda ka codsaday in dacwadiisa oo bilaaban doonto usbuuca dambe dib loo dhigo ilaa muddo bil ah.
Garsoore Cecilia Githua ayaa amartay in agaasimaha dacwad soo oodida ee dalka uu soo bandhigo markhaatiyaasha la xariirta kiisaka loo heysto barasaabka ismaamulka Migori iyo eedeysanayaal kale.
Waxaa la xadidi doona tirada ka soo qeybgalayaasha ah dacwadda maadaama uu dalka ku guda jiro musiibada Corona Virus.
Mr Obado ayaa la eedeysan Michael Oyamo (kaaliyihiisa gaarka ahaa) iyo Caspal Obiero oo ah karaani ka tirsanaa dowladda ismaamulka Migori.
Barasaabka Migori ayaa banaanka ku jooga 5 milyan oo shillinka halka eedeysanayasha kalena ay midkiba ku joogaan banaanka min hal miyan.

LEAVE A REPLY

Please enter your comment!
Please enter your name here

- Advertisment -

Most Popular

Recent Comments