Nairobi 105.9 Mombasa 103.5 Mogadishu 97.0 Garissa 97.1 Kismayu 89.5
Wajir 97.3 Isiolo 92.5 Mandera 97.5 Moyale 87.9 Masalani 97.1
Marsabit 87.7 Balambala 97.1 Laisamis 87.7 Dadaab 97.1 Habasweyne 97.3
Home Caalamka In ka badan 3,300 qof oo ka qaxay Burkina...

In ka badan 3,300 qof oo ka qaxay Burkina Faso

Hay’adda qaramada midoobay u qaabilsan arrimaha qaxootiga ee UNHCR ayaa sheegtay in ugu yaraan 3,300 oo qof oo carruur u badan ay ka barakaceen guriyahooda waqooyiga dalka Burkina Faso.
Tani ayaa timid ka dib markii ugu yaraan 160 qof lagu dilay weerar ka dhacay tuulada Solhan ee xigta xadka wadankaasi uu la wadaago dalka Niger.
Rag hubeysan ayaa habeenimadii ay sabtida soo galaysa shacabka halkaasi ku laayay.
Afhayeenka hay’adda UNHCR Babar Baloch ayaa sheegay in tuuladaasi uu xasuuq ka dhacay.
Weerarka ayaa yimid ka dib markii Jimcihii tuulada Tadaryat ee isla gobolkaasi lagu dilay 14 qof.
Koox xiriir la leh Al-Qaacidda iyo ISIS ayaa in muddo ah bartilmaameedsanayay shacabka iyo ciidamada ammaanka.
Mr. Baloch ayaa xusay in dadka barakacay ay u qaxeen dhanka tuulooyinka u dhow Solhan ee Sebba iyo Sampelga.
In ka badan 2,000 oo tiradan ka mid ah waa carruur halka ugu yaraan 500 ay haween yihiin.
Afhayeenka UNHCR ayaa intaa ku daray in barakacayaasha ay u baahan yihiin in si degdeg ah loo gaarsiiyo biyo , hooy, daryeel caafimaad iyo waxyaabaha kale ee daruuriga.
Dagaallada Burkina Faso waxaa tan iyo sanadkii 2015-kii ku dhintay in ka badan 1,400 qof .
Laga billaabo 2019, waxaa rabshadaha wadankaasi ka jiro ku barakacay ugu yaraan 1.2 milyan sida laga soo xigtay UNHCR.
Tan iyo biloowgii sanadkan keliya 150,000 qof ayaa hooy la’aan noqday sida uu sheegay Babar Baloch oo tilmaamay in boqolkiiba 84 ay yihiin haween iyo carruur.

LEAVE A REPLY

Please enter your comment!
Please enter your name here

- Advertisment -

Most Popular

Recent Comments