Nairobi 105.9 Mombasa 103.5 Mogadishu 97.0 Garissa 97.1 Kismayu 89.5
Wajir 97.3 Isiolo 92.5 Mandera 97.5 Moyale 87.9 Masalani 97.1
Marsabit 87.7 Balambala 97.1 Laisamis 87.7 Dadaab 97.1 Habasweyne 97.3
Home Wararka Kenya Maxkamadda sare oo khamiista go’aan ka soo saaraysa BBI

Maxkamadda sare oo khamiista go’aan ka soo saaraysa BBI

Maxkamadda sare ee dalka ayaa la filayaa in ay maalinka Khamiista ee toddobaadkan go’aan ka soo saarto dacwado la xiriira qorshaha sharci beddelka ee BBI.
Isbuucii hore ayay ahayd markii xildhibaanada baarlamaanka ay ansaxiyeen hindise sharciyeedkan halka aqalka sare uu maanta ka doodaya.
Guddoomiyaha aqalka sare ee dalka Ken Lusaka ayaan aqbalin soo jeedin ka timid afar senatar oo ahayd in isbeddel lagu sameeyo dokumeentiga BBI.
Waxaa meel marinta geeddisocodka BBI codkooda ku taageeray 224 mudanayaal ah, waxaa ka soo horjeestay 63 halka 2 ay ka aamuseen.
Bishii labaad ee sanadkan ayay maxkamadda sare guddiga madaxa bannaan ee doorashooyinka iyo xuduudda ee IEBC ka hor istaagtay inuu qabto afti dastuuri ah.
Waxaa amarkaasi ku dhawaaqay guddi ka kooban 5 garsoorayaal oo uu hoggaaminayay Joel Ngugi.
Go’aanka maxkamadda ee ka dhanka ahaa IEBC ayaa lagu saleeyay in aan weli la soo gabagabeyn dacwado ay gudbiyeen golaha ismaamulka hoose ee Turkana, xisbiga Thirdway Alliance iyo 6 kale.
Guddoomiyaha baarlamaanka dalka Mr. Justin Muturi ayaa hadda ku howlan sixidda qaladaadka dhanka qoraalka ah ka hor inta aan madaxweynaha dalka Mr. Uhuru Kenyatta loo gudbin.

LEAVE A REPLY

Please enter your comment!
Please enter your name here

- Advertisment -

Most Popular

Recent Comments