Nairobi 105.9 Mombasa 103.5 Mogadishu 97.0 Garissa 97.1 Kismayu 89.5
Wajir 97.3 Isiolo 92.5 Mandera 97.5 Moyale 87.9 Masalani 97.1
Marsabit 87.7 Balambala 97.1 Laisamis 87.7 Dadaab 97.1 Habasweyne 97.3
Home Wararka Soomaaliya Dowladda Soomaaliya oo sheegtay inay soo celisay xiriirkii kala dhaxeeyay Kenya

Dowladda Soomaaliya oo sheegtay inay soo celisay xiriirkii kala dhaxeeyay Kenya

Dowladda Soomaliya ayaa sheegtay in, iyada oo la ilaalinayo danaha deris wanaaga ay ku dhawaaqeyso inay dib u soo celisay xiriirkii diblumaasiyadeed ee dowladda Kenya oo horay Soomaaliya xiriirka u jartay.
Wasiir ku xigeenka Wasaaradda Warfaafinta Xukuumadda xilgaarsiinta Cabdiraxmaan Yuusuf Al-Cadaala ayaa sheegay in labada dowladood ay ku heshiiyeen in la ilaaliyo xiriirka saaxiibtinimo e labada dal, iyada oo lagu saleeynayo mabaadiida, ixtiraamka madax bannaanida iyo midnimada dhuleed ee Soomaaliya.
“ Dowladda Soomaliya waxaa ay tallaabadaan u qaaday, iyada oo la eegayo farageli la’aanta Arrimaha Gudaha ee labada dhinac , sinaanta, wax wada qabsiga, & nabad ku wada noolanshaha ayuu yiri” Wasiir Alcadaala.
Sidoo kale wasiirka waxaa uu hadalkiisa uu intasi ku daray in labada Madaxweyne ee Soomaaliya & Kenya ay uga mahad celinayaan Amiirka dalka Qatar dadaalka uu ka geystay arrintaan.
15-kii Bishii Diseembar ee sanadkii hore ayaa dowladda Soomaaliya waxaa ay ku dhawaaqday in xiriirka diblumaasiyaded u jartay dowladda Kenya oo ay ku eedeysay xad-gudubyo siyaasadeed iyo fara-gelinta isdaba joogga ah ee muddoonyinkii ugu dambeeyey ay ku haysay madax-banaanida Soomaaliya.

LEAVE A REPLY

Please enter your comment!
Please enter your name here

- Advertisment -

Most Popular

Recent Comments