Nairobi 105.9 Mombasa 103.5 Mogadishu 97.0 Garissa 97.1 Kismayu 89.5
Wajir 97.3 Isiolo 92.5 Mandera 97.5 Moyale 87.9 Masalani 97.1
Marsabit 87.7 Balambala 97.1 Laisamis 87.7 Dadaab 97.1 Habasweyne 97.3
Home Caalamka Haweeney 9 canug ku umushay Morocco

Haweeney 9 canug ku umushay Morocco

Wararka naga soo gaaraya dalka Morocco ayaa sheegaya in haweeney umushay ay dhashay 9 carruur ah.
Waxaa lagu magacaabaa Xaliima Ciise oo 25 sano jir ah waxayna dhalasho ahaan ka soo jeeda Mali.
Khuburrada caafimaadka ayaa horay u sheegay in ay caloosha ku sido 7 balse ka dib markii baaritaano dheeraad ah la sameeyay ayaa la ogaaday in ay sagaal yihiin.
Wararka ayaa intaa ku daraya in dhakhaatiirta Mali ay bishii saddexaad ee sanadkan sheegeen in hooyadan ay u baahan tahay daryeel gaar ah taasoo keentay in loo qaado wadanka Morocco oo ay ku umushay.
Carruurta ay abreeshin ama qalliin ku dhashay ayaa isugu jiro 5 gabdhood iyo afar wiil.
Wasiiradda caafimaadka ee dalka Mali Fanta Siby ayaa bayaan ay soo saartay ku sheegtay in hooyada iyo dhammaan carruurta ay badqabaan.
Mrs. Siby oo u hambalyeeysay Xaliima Ciise ayaa sheegtay in iyada iyo carrurteeda Mali dib loogu soo celin doono toddobaadyo ka dib.
Maamullada caafimaadka ee Morocco ayaan ilaa iyo hadda xaqiijin in dhacdadan ay tahay mid aan caadi ahayn.
Afhayeenka wasaaradda caafimaadka ee dalkaas Rachid Koudhari ayaa sheegay in uunan xusuusan dhacdadan mid la mid ah oo horay loo diiwaangeliyay.

LEAVE A REPLY

Please enter your comment!
Please enter your name here

- Advertisment -

Most Popular

Recent Comments