Nairobi 105.9 Mombasa 103.5 Mogadishu 97.0 Garissa 97.1 Kismayu 89.5
Wajir 97.3 Isiolo 92.5 Mandera 97.5 Moyale 87.9 Masalani 97.1
Marsabit 87.7 Balambala 97.1 Laisamis 87.7 Dadaab 97.1 Habasweyne 97.3
Home Wararka Kenya 2 burcad ah oo lagu toogtay xaafadda Kawangware

2 burcad ah oo lagu toogtay xaafadda Kawangware

Waaxda dambi baarista dalka ee DCI-da ayaa sheegtay in saraakiisha ammaanka ay labo qof oo burcadnimo lagu tuhmay ay ku dileen xaafadda Kawangware ee magaalada Nairobi.
Howlgalka lagu toogtay shakhsiyaadkan ayaa yimid wax yar un markii ay weerareen qof ka mid ah shacabka ku nool xaafaddaas.
Wararka ayaa intaa ku daraya in eedeysane saddexaad uu goobta ka baxsaday.
Burcaddan ayaa xilliga habeenkii dhibaateyn jiray dadweynaha Kawangware balse waxaa falcelin degdeg ah sameeyay ciidamo roondooyin ka waday goobta loo yaqaano 56.
Booliska ayaa sheegaya in labada qof ee la dilay lagu amray in ay is-dhiibaan balse ay billaabeen in ay ciidamada rasaas ku furaan taasoo keentay in ugu dambeyn laga takhaluso.
Qofka saddexaad ee baxsaday isaga oo mooto adeegsanaya ayaa hadda lagu raad joogaa.
Howlgalka ayay ciidamada sheegeen in ay ku soo heleen rasaas lagu wareejiyay saraakiisha dambi baarista ee waaxda DCI-da.
Meydadka labada la dilay ayaa la geeyay goobta meydadka la dhigo ee City mortuary ee Nairobi si loo aqoonsado.

LEAVE A REPLY

Please enter your comment!
Please enter your name here

- Advertisment -

Most Popular

Recent Comments