Nairobi 105.9 Mombasa 103.5 Mogadishu 97.0 Garissa 97.1 Kismayu 89.5
Wajir 97.3 Isiolo 92.5 Mandera 97.5 Moyale 87.9 Masalani 97.1
Marsabit 87.7 Balambala 97.1 Laisamis 87.7 Dadaab 97.1 Habasweyne 97.3
Home Wararka Kenya Xildhibaankii deegaanka Kiambaa oo Sabtida la aasaya

Xildhibaankii deegaanka Kiambaa oo Sabtida la aasaya

Waxaa uu qorshuhu yahay in maalinka Sabtida ee toddobaadkan la aaso xildhibaankii deegaan baarlamaneedka Kiambaa ee ismaamulka Kiambu Paul Koinange oo shalay u geeriyooday cudurka COVID-19.
Bayaan ay soo saareen xubnaha qoyskiisa ayay ku sheegeen in munaasabadda aaska ay ka dhici doonto kaniisadda Saint John ee deegaanka Kiambaa abaare 11-ka barqanimo ee saddexda bishan.
Waxaa bayaanka ku cad in aasku uu dhici doonto iyada oo si buuxda loo raacaya talooyinka caafimaad iyo amarrada dowladda ee ka dhanka ah cudurka COVID-19.
Dowladda ayaa horay u sheegtay in qofka geeriyoodo la doonayo in la aaso muddo 72 saacadood gudahood ah .
Sidoo kale xeerarka lagu xakameynaya faafidda caabuqa corona waxaa ka mid ah in xafladaha aaska aynan ka qayb geli karin in ka badan 50 qof.
Paul Koinange oo sidoo kale ahaa guddoomiyaha guddiga baarlamaanka ee arrimaha maamulka iyo amniga qaran ayaa geeriyooday xilli lagu daaweynayay isbitaalka Nairobi Hospital .

LEAVE A REPLY

Please enter your comment!
Please enter your name here

- Advertisment -

Most Popular

Recent Comments