Nairobi 105.9 Mombasa 103.5 Mogadishu 97.0 Garissa 97.1 Kismayu 89.5
Wajir 97.3 Isiolo 92.5 Mandera 97.5 Moyale 87.9 Masalani 97.1
Marsabit 87.7 Balambala 97.1 Laisamis 87.7 Dadaab 97.1 Habasweyne 97.3
Home Caalamka Maraykanka oo cunaqabatayn saaraya shirkado laga leeyahay Myanmar

Maraykanka oo cunaqabatayn saaraya shirkado laga leeyahay Myanmar

Dowladda Maraykanka ayaa ka baaran dagaysa sidii cunaqabatayn loogu soo rogi lahaa labo shirkadadood oo laga leeyahay wadanka Myanmar.
Labadan shirkadood ayaa la sheegay inay leeyihiin cidamada milatariga dalkasi.
1-dii bishii hore ayay ahayd markii militariga wadankaas uu qaab afgembi ah talada ula wareegay iyada oo uu sidoo kale xabsiga dhigay mas’uuliyiin ay ka mid tahay haweenaydi Myanmar hoggaaminaysay Aung San Suu Kyi.
Qorshaha ku aaddan xayiraadda ayaa loo gudbiyay waaxda maaliyadda dalkaasi Maraykanka si loogu daro liiska shirkadaha ay saaran tahay cunaqabatayntu .
Waxaa la rumeysan yahay in cunaqabateynta la dhaqan galin doono galinka hore ee maalinka Arbacada ah ee toddobaadka dambe.
Labada shirkadood oo ka shaqeeya dhanka wax soo saarka ayaa lagu kala magacaabaa Myanmar Economic Corporation (MEC) iyo Myanmar Economic Holdings Ltd (MEHL).
Inqilaabkii militari ee Myanmar waxaa ka dhashay mudaaharaadyo waawayn oo ay samaynayaan shacabka dalkaasi.
Ilaa iyo hadda ugu yaraan 275 qof ayaa lagu dilay isku dhacyada ciidamada iyo shacabka.
Wadamo ay ka mid yihiin Maraykanka , UK, Canada iyo midowga yurub ayaa horay cunaqabatayno ugu soo rogay taliyaha ugu sareeya ciidamadda Myanmar iyo qaar ka mid ah carruurtiisa.
Kooxaha u dooda xuquuqda adanaha ayaa dalbanaya in xayiraado kale oo dheeraad ah lagu soo rogo milatariga Myanmar si xukunka loogu soo celiyo gacanti rayidka.

LEAVE A REPLY

Please enter your comment!
Please enter your name here

- Advertisment -

Most Popular

Recent Comments