Nairobi 105.9 Mombasa 103.5 Mogadishu 97.0 Garissa 97.1 Kismayu 89.5
Wajir 97.3 Isiolo 92.5 Mandera 97.5 Moyale 87.9 Masalani 97.1
Marsabit 87.7 Balambala 97.1 Laisamis 87.7 Dadaab 97.1 Habasweyne 97.3
Home Wararka Kenya Imtixaannada qaran ee KCPE-da oo maanta la soo gabagabeynaya

Imtixaannada qaran ee KCPE-da oo maanta la soo gabagabeynaya

Waxaa maanta la soo gabagabeynayaa imtixaannada qaran ee fasalka sideedaad ee dugsiyada hoose dhexe ee loo yaqaano KCPE-da oo billoowday Isniintii.
Sanadkan waxaa imtixaanka sameyay arday tiro ahaan dhan 1,191,725
KCPE-da ayaa lagu sameynayaa 28,467 xarumood guud ahaan dalka.
Sidoo kale waxaa uu qorshuhu yahay in Jimcaha oo ay taariikhdu tahay 26-ka bishan uu billowdo imtixaanka fasalka afaraad ee dugsiyada sare ee KCSE-da oo ay sanadkan u fariisanayaan 752,981 oo arday ah.
Imtixaanka KCSE-da waxaa lagu sameyn doona 10, 437 sida laga soo xigtay golaha imtixaanada qaran ee KNEC oo qoraal soo dhigay bartiisa rasmiga ee Twitter-ka.
Waa markii ugu horreysay oo imtixaannada qaran ee shahaaddiga ah ay ardayda sameynayaan bilooyin aan ahayn 10-aad iyo 11-aad sidii caadiga ahayd.
Isbeddelkan waxaa horseeday cudurka COVID-19 oo tan iyo bishii saddexaad ee sanadkii hore carqaladeeyay habsami u socodka howlaha waxbarasho ee dalka.
Wasiirka wasaaradda waxbarashada ee dalka Prof. George Magoha ayaa sheegay in imtixaanka uu si habsami leh u socdo oo ilaa iyo haddan aan la soo tabin fal khiyaano ah oo shaki gelin karo natiijada.

LEAVE A REPLY

Please enter your comment!
Please enter your name here

- Advertisment -

Most Popular

Recent Comments