Nairobi 105.9 Mombasa 103.5 Mogadishu 97.0 Garissa 97.1 Kismayu 89.5
Wajir 97.3 Isiolo 92.5 Mandera 97.5 Moyale 87.9 Masalani 97.1
Marsabit 87.7 Balambala 97.1 Laisamis 87.7 Dadaab 97.1 Habasweyne 97.3
Home Caalamka 7 dhallinyaro oo kufsi wadareed u geystay gabar 13 sano oo la...

7 dhallinyaro oo kufsi wadareed u geystay gabar 13 sano oo la xukumay

Maxkamadda sare ee gobolka Doolo ee dowlad degaanka Soomaalida ayaa xukun min 9 sano ah, ku riday 7 dhallinyaro ah oo lagu eedeeyay in ay dhawaan kufsi-wadareed u gaysteen gabar 13 jir ah, oo ku nool magaalada Wardheer ee xarunta gobolka Doolo.
Goobta maxkamadeynta ayaa waxaa ku sugnaa oo Go’aanka Maxkamadda soo dhaweeyay Ehelka dhinacyada ay dacwadu ka dhaxeysay , iyaga oo sheegay inay ku qanceen sida uu xukunka u dhacay.
Komishineerka booliska gobolka Doolo, gashaanle dhexe, Mowliid Muuse Ibraahim iyo madaxa xafiiska xeer ilaalinta gobolkaasi, Cali Axmad Ibraahim, oo la hadlay Warbahinta, ayaa sheegay in ay guteen waajibaadkoodii ka saarnaa soo uruurinta cadaymaha galdacwadeedka ka dhanka ah eedesanayaashan, si ay dhibanayaashu cadaalad u helaan.
Odayaasha dhaqanka oo ka socday dhinacyada ay dacwadu ka dhaxaysay, ayaa go’aanka maxkamadda soo dhaweeyay, waxa ayna intaas ku dareen, in ay tahay arrin ugub ah in gabadh 13 jir la faraxumeeyo, taas oo ku cusub gobolka Doolo, iyo guud ahaan Deegaanka Soomaalida,
Edeesanayaasha la xukumay ayaa 6 ka mid ah ay goob-joog ahaayeen, halka midkii 7-aad maqnaasho lagu xukumay maadaama laamaha amniga aysan weli gacanta ku dhigin.

LEAVE A REPLY

Please enter your comment!
Please enter your name here

- Advertisment -

Most Popular

Recent Comments