Nairobi 105.9 Mombasa 103.5 Mogadishu 97.0 Garissa 97.1 Kismayu 89.5
Wajir 97.3 Isiolo 92.5 Mandera 97.5 Moyale 87.9 Masalani 97.1
Marsabit 87.7 Balambala 97.1 Laisamis 87.7 Dadaab 97.1 Habasweyne 97.3
Home Wararka Soomaaliya Guddoomiyaha aqalka Sare oo ka soo horjeystay xeer madaxweynaha Soomaaliya saxiixay

Guddoomiyaha aqalka Sare oo ka soo horjeystay xeer madaxweynaha Soomaaliya saxiixay

Guddoomiyaha Aqalka Sare ee Soomaaliya Cabdi Xaashi Cabdillaahi ayaa warqad uu soo saaray uga soo horjeestay hanaanka loo dhisay golaha addeega Garsoorka Soomaaliya oo ay horey u ansixiyeen Xildhibaanada Golaha Shacabka ee Baarlamanka Fedraalka Soomaaliya sidoo kalena uu saxiixay Madaxweyne Maxamed C/laahi Farmaajo, iyadoo aan loo gudbin Aqalka sare.
Qoraalka kasoo baxay guddoomiyaha Aqalka sare ayaa waxaa lagu sheegay in lala socdo Xeer Madaxweyne oo lagu soo saaray 7 xubnood oo lagu tilmaamay inay kamid yihiin 9-ka xubnood ee Golaha Addeega Garsoorka laguna soo daray guddoomiyaha Maxkamadda Sare & Xeer ilaaliyaha guud tallaabadaasna ay tahay mid sharci darro ah.
Sidoo kale Guddoomiyaha Aqalka Sare waxaa uu sheegay in Golaha Shacabka 22-kii Bishii November ee 2020 uu u soo diray Aqalka sare qaraar uu kusoo ansixiyay 7 Xubnood oo kamid noqonaya Golaha Addeega Garsoorka kuna jiraan guddoomiyaha Maxkamadda Sare & Xeer ilaaliyaha guud ee qaranka.
Gudoomiyaha aqalka sare ayaa sidoo kale qoraalka kasoo baxay oo aad u dheer waxaa lagu Tilmaamay inay sharci darro tahay hanaanka loo dhisay golaha addeega Garsoorka dalka.
Ugu dambeyn Gudodomiyaha Aqalka sare ee Soomaaliya ayaa sheegay in Xeerka kasoo baxay Madaxweyne Maxamed C/laahi Farmaajo ee lagu magacaabay xubnaha Golaha addeega Garsoorka uusan laheyn wax raad sharci ah oo ay ku howlgeli karaan sida uu hadalkiisa u dhigay, isagoo ugu baaqay Madaxweynaha & Xukuumadda inay joojiyaan waxa u uku tilmaamay ku xadgudubka qodobo dastuuri ah.

LEAVE A REPLY

Please enter your comment!
Please enter your name here

- Advertisment -

Most Popular

Recent Comments