Home Wararka Soomaaliya DHAGEYSO:Shirweynaha garsoorka Soomaaliya oo Muqdisho ka furmay

DHAGEYSO:Shirweynaha garsoorka Soomaaliya oo Muqdisho ka furmay

Shirka sanadlaha ah ee Garsoorka Soomaaliya oo ay ka qeyb galayaan hay’adaha cadaaladda heer Federaal iyo heer maamul goboleed ayaa ka furmay magaalada Muqdisho ee Caasimadda dalka Soomaaliya.
Hal ku dhigga Sanadkaan ee Shirweynaha garsoorka Soomaaliyeed ayaa ah Hirgali Sharciga halka Sanadkii horena uu hal ku dhigii shirkaan ahaa GArsoor tayo leh.
Guddoomiyaha guddiga qaban qaabada shirka, Sheekh Saalax Ibraahim Dhiblwaale oo ah garsoore ka tirsan Maxkamadda Sare ee Soomaaliya ayaa sheegay in shirka diiradda lagu saari doono qodobo ay ka mid yihiin xal u helida Musuqmaasuqa, Fulinta xukunada, wax ka qabashada Been abuurka iyo qodobo kale oo muhiim u ah arrimaha Garsoorka.
Shirka ayaa waxaa goobjoog ka ah Masuuliyiinta Hay’adaha Garsoorka oo ay kamid yihiin Wasiirka Wasaaradda Cadaaladda, Guddoomiyaha maxkamadda sare,Guddiga Cadaaaladda iyo Garsoorka ee Baarlamaanka, Maxkamadaha gobolka Banaadir, Xafiiska Garyaqaanka guud ee Qaranka, iyo Xafiiska Hanti dhowrka guud ee Qaranka.
Shirka oo socon doona muddo labo maalin ah ayaa waxaa sidoo kale ka qeyb gelaya in ka badan 300 oo qof una badan sharci yaqaano iyo khubaro dhanka Garsoorka ah.
Wasiirka Cadaaladda Soomaaliya C/qaadir Maxamed Nuur ayaa Bogaadiyay in shirweynaha Garsoorka Qaranku si wanaagsan u qabsoomay Sanadkii Sadexaad wuxuuna Sidoo kale Bogaadiyay hay’adaha kala duwan ee Garsoorka Soomaaliyeed.

Guddoomiayaha Maxkamada Saree ee Soomaaliya Baashi Axmed Yuusuf oo isna Khudbad ka jeediyay FurItaanka shirweynaha Garsoorka Soomaaliya ayaa Tilmaamay in si aad ah looga doodayo Qodobo Qaynuuni ah oo lagu tayaynayo Garsoorka dalka Soomaaliyeed ayadoo ay Macquul tahay inay jiraan Caqabado Badan oo la wajahayo wax badanna la qabtay taasoo guul weyn u ah waaxda garsoorka Soomaaliyeed.

LEAVE A REPLY

Please enter your comment!
Please enter your name here

- Advertisment -

Most Popular

Recent Comments