Nairobi 105.9 Mombasa 103.5 Mogadishu 97.0 Garissa 97.1 Kismayu 89.5
Wajir 97.3 Isiolo 92.5 Mandera 97.5 Moyale 87.9 Masalani 97.1
Marsabit 87.7 Balambala 97.1 Laisamis 87.7 Dadaab 97.1 Habasweyne 97.3
Home Wararka Kenya Madaxweynaha Koonfur Galbeed oo la Kulmay guddiyada farsamada ee Baydhabo ku shirsan

Madaxweynaha Koonfur Galbeed oo la Kulmay guddiyada farsamada ee Baydhabo ku shirsan

Madaxweynaha Maamul Goboleedka Soomaaliyeed ee Koonfur Galbeed Cabdi Casiis Xasan Maxamed laftagareen ayaa kulan la qaatay Guddiga Farsamo ee Qaban-qaabada Shirweynaha Wadatashiga Qaran, ee shirku uga socdo magaalada Baydhabo.
Xubnaha Guddiyada oo ka kooban 14 xubnood oo ka kala socda dowladda Federalka, maamul goboleedyada & Gobolka Banaadir & Madaxweynaha Koonfur Galbeed ayaa ka wada hadlay Arrimaha doorashooyinka Soomaaliya iyo sida uu shirku u socdo.
Guddoomiyaha Guddiga Farsamada Dowladda Federaalka, Maamul Goboleedyada iyo Gobolka Banaadir, ahna Wasiirka wasaarada Dastuurka Soomaliya Saalax Axmed Jaamac ayaa sheegay in Madaxweynaha uu xubnaha guddiga uga warbixiyay shirarkii doorashooyinka oo horay u qabsoomay, isla markaan uu kula dardaarmay inay ku dadaalaan wadada xalka loogu heli karo doorashooyinka Soomaaliya ee la isk mari la yahay.
Xubnaha guddiga ayaa Maanta la filayaa inay sii wataan shirkooda, isla markaana ay kasoo saaraan qodobo ay ku heshiiyeen, si loogu gudbiyo Madaxda dowladda dhexe & Maamul goboleedyada.
Guddoomiyaha Guddiga Farsamada ee shikru Baydhabo uga socda, ahna Wasiirka Dastuurka Soomaliya Saalax Axmed Jaamac ayaa sheegay in maalintii 1-aad horumar laga gaaray shirka.
Sidoo kale waxaa uu sheegay inay ku rajo weyn yihiin in isu imaatinkan uu ibo-fur u noqdo is afgarad wanaagsan oo laga gaaro dhamaystirka qodobadii la isku haayay ee Shirarkii Magaalada Dhuusamareeb ka dhacay.

LEAVE A REPLY

Please enter your comment!
Please enter your name here

- Advertisment -

Most Popular

Recent Comments