Nairobi 105.9 Mombasa 103.5 Mogadishu 97.0 Garissa 97.1 Kismayu 89.5
Wajir 97.3 Isiolo 92.5 Mandera 97.5 Moyale 87.9 Masalani 97.1
Marsabit 87.7 Balambala 97.1 Laisamis 87.7 Dadaab 97.1 Habasweyne 97.3
Home Wararka Soomaaliya Shirka hogaamiyaasha Soomaalida oo Dhuusamareeb ka furmaya

Shirka hogaamiyaasha Soomaalida oo Dhuusamareeb ka furmaya

Magaalada Dhuusamareeb ee Caasimadda Maamulka Galmudug ayaa waxaa ka socda diyaar garoowga furitaanka shirka wadatashiga Madaxda dowladda,Maamul Goboleedyada & Gobolka Banaadir.
Waxaa Magaalada Dhuusmareeb ku sugan Madaxweyne Farmaajo, Ra’iisul Wasaare Rooble iyo Madaxda dowlad Goboleed, Hir-Shabeelle Koonfur Galbeed, Jubbaland & Galmudug oo shirka marti-gelineysa halka uu ku wajahan yahay Madaxweynaha Puntland.
Shirka wadatashiga Madaxda dowladda & Maamul Goboleedyada ee Dhuusamareeb ayaa waxaa looga arinsanayaa xal ka gaarista muranka hareeyay heshiiskii doorashooyinka Soomaaliya ee la gaaray 17-kii Sebteembar ee 2020.
Sidoo kale wararka aan heleyno ayaa sheegaya in shirka looga hadli doono khilaafka u dhaxeeyay Madaxda dowladda & Maamulada Jubbaland iyo Puntland, kaasoo hakiyay wada-shaqeynta labada dhinac.
Ammanka Magaalada Dhuusamareeb ayaa aad loo adkeeyay, waxaana wadooyinka iyo xaafadaha qaar lagu arkayaa Ciidamada dowladda & kuwa Galmudug oo amniga si weyn u xaqiijinaya.
Xubnaha Midowga Musharixiinta Mucaaradka ayaa qoraal ay shalay shirka kasoo saareen ayaa waxaa ay ku dalbadeen in la ballaariyo lagana qeyb-geliyo Midowga Musharixiinta ,Ururada Bushada rayidka iyo saamileyda siyaasadeed ee dalka wallow aan qoraalkooda laga jawaabin.
Shacabka Soomaaliyeed & xubnaha Beesha Caalamka ee taageerada siiya Soomaaliya ayaa waxaay isha ku hayaan shirka Magaalada Dhuusamareeb oo la filayo in Go’aan looga gaaro arrimaha doorashooyinka Soomaaliya.

LEAVE A REPLY

Please enter your comment!
Please enter your name here

- Advertisment -

Most Popular

Recent Comments