Nairobi 105.9 Mombasa 103.5 Mogadishu 97.0 Garissa 97.1 Kismayu 89.5
Wajir 97.3 Isiolo 92.5 Mandera 97.5 Moyale 87.9 Masalani 97.1
Marsabit 87.7 Balambala 97.1 Laisamis 87.7 Dadaab 97.1 Habasweyne 97.3
Home Wararka Kenya Siyaasiyiinta oo looga digay faragelinta nidaamka magacaabista ee madaxa cadaaladda xiga

Siyaasiyiinta oo looga digay faragelinta nidaamka magacaabista ee madaxa cadaaladda xiga

Hoggaamiyaha Xisbiga ANC Musalia Mudavadi ayaa ugu baaqay siyaasiyiinta dalka inay ka waantoobaan faragalin ku saabsan hanaanka magacaabista madaxa cadaaladda ee xiga kaddib markii 12-kii bishaan ka fariistay jagadan David Maraga oo afar sano hayay.
Dhawaan ayey ahayd markii guddiga JSC u guda galay geeddisocod la doonayo in lagu buuxiyo xilkan.
Jagada hoggaamiyaha garsoorka dalka ayaa la shaaciyay inay bannaan tahay hal toddobaad ka dib markii uu howlgab noqday David Maraga oo afar sano hayay.
Mudavadi ayaa sheegay in madax banaanida garsoorka ay fure u tahay xasiloonida iyo jiritaanka dalka iyo dhamaana waxyaha kala duwan ee dowladda.
Hadalkan ayuu ka jeediyay deegaanka Khwisero ee ismaamulka Kakamega xilli u shalay ka qayb galay aaska hooyada garsoore ka tirsan maxkamadda sare ee dalka oo lagu magacaabo Aggrey Muchelule.
Dhanka kale Mudavadi ayaa ku boorriyay shacabka Kenyaanka inay ka fiirsadaan waxyaabaha mudnaanta leh ee ka caawin doona xulashada hoggaan diiradda saaraya dib u soo nooleynta dhaqaalaha iyo horumarka dalka.

LEAVE A REPLY

Please enter your comment!
Please enter your name here

- Advertisment -

Most Popular

Recent Comments