09.Aug.2012:- Agaasimaha dacwad soo oogaha dalka Keriako Tobiko ayaa amar ku bixiyay in la maxkamadeeyo ku xigeenka madaxa cadaalada ee shaqada horay looga joojiyay Nancy Baraza.
Bayaan uu soo saaray ayaa waxa uu Mr Tobiko ku sheegay in xafiiskiisa uu ansixiyay in la maxkamadeeyo ms Baraza ayada oo lagu soo oogayo in ay si xun ula dhaqantay haweenay ilaalo ka ahayd’ supermarket ku yaalaVillage Market ku yaala Nairobi.
Mr Tobiko ayaa sidoo kale bayaankiisa ku sheegay in uu u magacaabay ku xigeenkiisa Dorcas Oduor iyo Alexander Muteti, in ay hogaamiyaan golaha dacwada ku soo ogaya Ms Baraza.
Go’aanka dacwad soo oogaha dalka ayaa ku soo beegmaya xili Nancy Baraza ay shaacisay in ay racfaan ka qaadanayso taladii ay soo jeediyeen gudigii baarayay qaabkii ay ula dhaqantay haweenayda ilaalada ahayd.
Gudigaasi ayaa waxa ay madaxwayne Kibaki kula taliyeen in uu xilka ka qaado Ms Baraza .
Gudiga aya waxa ay sheegeen in lagu helay Ms Baraza in ay si xun oo aan anshax ahayn ay ula dhaqantay haweenaydaasi supermarket ka ahayd ilaalada.