Xukuumada Turkiga oo balan qaaday in masaajido badan ay ka dhisayso Somaliya.
Published on February 8, 2012 by Idaajaa · No Comments
08.February.2012:- Wafdi ka socda Wasaaradda Garsoorka,Cadaaladda,Awqaafta iyo Arrimaha Diinta Xukuumadda kmg ah ee Soomaaliya oo socdaal shaqo ku jooga dalka Turkiga ayaa magaalada caasimada u ah ee Ankara kulan waxa ay kula yeeshay mas’uuliyiin ka tirsan Dowladda Turkiga.
Masuuliyiintaan socdaalka ku jooga Turkiga oo uu hogaaminayo Wasiirudowlaha Wasaaradda Garsoorka,Cadaaladda,Awqaafta iyo Arrimaha Diinta ayaa waxaa magaalada Ankara kulan ku aadan sidii loo kordhin lahaa xiriirka labada dal gaar ahaan xaga diinta kula qaateen mas’uuliyiin uu hogaaminayo wadaadka xaga diinta ugu sareeya dowladda Turkiga Prof. Dr. Mehmed Gormez.
Sheekh Axmed C/laahi Xuseen(Sheekh Fanax) oo ah Wasiirudowlaha Wasaaradda Awqaafta oo wareysi siiynaayay idaacada ku hadasha codka dawlada somaliya isaga oo ku sugan magaalada Ankara ayaa tilmaamay in ay isku afgarteen wadaadka ugu sareeya dalkaasi sameynta gudi kakala socda labada Dowladood kuwaasi oo wadajir uga shaqeeya Arrimaha Diinta iyo in sidoo kale ayTurkigu gudaha dalka somaliya ka hirgeliyaan dhismaha Masaajidyo ,qaar kalena la tayacdiro.
Xukuumada Ankara ayaa siwayn u danaynaysa arimaha somaliya iyadoo dadal wayn ugu jirta sidii ay u kasban lahayd taageerada shacabka soomaaliyeed.