Xafiiska madaxtooyada oo beeniyay eedayn uu soo jeediyay Ocampo oo ku saabsanayd in madaxwayne Kibi uu la kulmay Mungiki.
Published on January 26, 2012 by Idaajaa · No Comments
26.January.2012:- Madaxwayne Kibaki ayaa si wayn u beeniyay in uu aqalka madaxtooyada kula kulmay kooxda lamabnuucay ee Mungiki xiligii rabshadihii doorashada .
Bayaan ka soo baxay xafiiska madaxwaynaha oo looga jawaabayay hadal ka soo yeeray dacwad soo oogaha maxkamada ICC taasi oo ku saabsanayd in madaxwayne kibaki uu 26-kii bishii November ee sanadii 2007-dii uu kulan kula qaatay aqalka madaxtooyada Kooxda Mungiki ayaa waxa uu madaxwaynaha hadalkaasi ku tilmaamay in uu yahay mid qiyaali ah oo uu dacwad soo oogaha uu isku halaynaayo marqaatiyo been ah.
Warbixintaan ka soo baxay xafiiska madaxwayne Kibaki ayaa lagu sheegay in aysan jirin wax kulan ah oo uu madaxwayne Kibaki la qaatay kooxda Mungiki.
Bayaanka ayaa sidoo kale lagu sheegay in taariiqda uu dacwad soo oogaha sheegay in madaxwaynaha uu la kulmay kooxda Mungiki in maalinkaasi uu madaxwayne Kibaki kula kulmay aqalka madaxtooyada kooxdiisii dhanka ololahii doorashda halkaasi oo uu ugu sharxay qorshihiisa dhalinyarada ku aadan.
Dacwad soo oogaha maxkamada ICC Ocampo ayaa waxa uu sheegay in Kulan dhexmaray madaxweyne Kibaki iyo kooxda mungiki uu ka dhacay aqalka madaxtooyada isla markaana dadkii ka qayb galay ay ka mid ahaayee madaxa shaqaalaha dowlada fransis muthaura iyo Uhuru kenyatta isla markana halkaasi laga qorsheeyay rabshadihii doorashada .
Madaxwayne Kibaki ayaa si wayn u beeniyay kulankaasi waxa uuna eedaynta dacwad soo oogaha ku tilmaamay mid aan sal lahayn.