Qiimaha shidaalka Noocyadiisa kala duwan oo hoos loo soo dhigay .
Published on January 15, 2012 by Idaajaa · No Comments
15.January.2012:- Qiimaha shidaalka noocyadiisa kala duwan ayaa mar kale hoos loo dhigay .Sida ay sheegeen gudiga xadaynta qiimaha shidaalka ee loo soo gaabiyo ERC, qiimaha shidaalka nooca Super Petrol Nairobi ayaa hoos loo dhigay 7.11 cent liitarkii, Dhiinsalka ayaa isna hoos loo soo dhigay 3.shiling iyo 8 centi liitarkii, halka qiimaha gaaska hoos loo soo dhigay 3.63 centi liitarkii.
Qiimaha shidaalka nooca Super petrol ayaa magaalada tan Nairobi lagu kala iibsan doonaa 111.95 centi liitarki, halka dhiinsalka uu noqonayo 107.90 centi, gaaska ayaa isna noqonaaya qiimihiisa 87.11 centi liitarkii.
Gudiga xadaynta qiimaha shidaalka noocyadiisa kala duwan ayaa sheegay in sidoo kale hoos loo soo dhigay qiimaha shidaalka magaalooyiinka kale ee dalka Kenya .
Qiimahani cusub ee shidaalka qaybihiisa kala duwan ayaa taaba gal noqon doona maanta oo Axad ah,sida ay shaaciyeen Gudiga..
Agaasimaha gudiga xadaynta shidaalka Eng. Kaburu Mwirichia ayaa waxa uu uga digay shirkadaha shidaalka iibiya in ay qiima aan ahayn kan cusub ay macaamiisha uga iibiyaan shidaalka .
Gudiga ayaa sabab uga dhigay qiima dhimista ay shidaalka ku sameeyeen shillinka wadanka oo sarifkiisa uu soo xoogaystay iyo guud ahan qiimaha shidaalka suuqyada caalamka oo hoos u soo dhacay .