Madaxweynaha Faransiiska oo sheegay in dalkiisa uu iskaashi la sameynayo jarmalka si loo xoojinayo awoodda lacagta Euro-ga.
Published on December 2, 2011 by cabdulaahi · No Comments
02.December.2011:-Madaxweynaha Faransiiska Nicolas Serkozy ayaa sheegay in dalkiisa iyo dalka jarmalka ay sameyn doonaan iskaashi lagu damaana qaadayo degenaashaha qaaradda Yurub iyo lacata Euroga.
Hadal uu ka dekedda Tolon ee dalka faransiiska ayaa waxa uu carabaabay in maalinta isniinta ah uu la kulmi doono hoggaamiyaha jarmalka Angela Merkel si uu ugu bandhigo qorsho lagu tiigsanayo degenaashaha dhanka dhaqaalaha ee dalalka Yurub.
Madaxweynaha faransiiska waxa uu ka digay in ay sii socoto dhibaatada dhanka dahqaalaha iyo deemaha ee ay la liitaan dalalka Yurub waxa uuna ballan qaaday in dalkiisa uusan joojin doonin dadaalada ku aadan sidii wax looga qaban lahaa dhibaatada heysata dalalka isticmaala lacagta Euro-ga.
Sarkozy waxa uu cadeeyay in Yurub ay u baahan tahay aas aas cusub oo ku saabsan dhaqaalaha taasoo halbowle ay u yhiiin dalalka Faransiiska iyo Jarmalka si loo helo damaanqaad dhinaca dhaqaalaha ah oo looga hortagayo dhibaata kasta oo dhanka dhaqaalaha ah.
Madaxweynaha Faransiiska waxa uu cadeeyay in dowladaha Yurubta tallaabada ay ka qaateen dhibaatada deemaha in ay tahay mid ka hooseeysa sidii loo baahnaa in loo wajaho.
Sidoo kale Sarkozy waxa uu tilmaamay in Faransiiska iyo Jarmalka ay xilli sii horeysay ku heshiiyeen in ay jirto baahi ah in la helo heshiis cusub oo laku xakameeyo xiririka dowladaha xubnaha kah midowga Yurub, laakiin waxa uu ka horyimid qorshaha uu soo bandhigay Jarmalka ee ku saabsan in miizaaniyadda dalalka Yurub la dhigo magaalada Brusseles ee dalka Bilgium halkaasna ay ka kormeeraan hoggaamiyaasha Yurub.