14.December.2011:-Gaadiidleyda ayaa waxa ay ku jiraan farxad iyo raynrayn ka dib markii qiimaha shidaalka hoos loo soo dhigay 5 shiling liitarkii.
Gudiga xadaynta qiimaha shidaalka noocyadiisa kala duwan ayaa maanta dib u habayntoodii ugu danbaysay ku sameeyay qiimaha shidaalka, taasi oo ah markii ugu horaysay oo qiimaha shidaalka noocyadiisa kala duwan uu hoos u dhaco mudo 12 bilood ah .
Sida ku cad dib u habaynta qiimaha shidaalka ee maanta ay soo saareen gudiga xadaynta qiimaha shidaalka liitarka shidaalka nooca Super petrol ayaa waxa Nairobi ay gawaarilayda ku iibsan doonaan 119.6centi ilaa bisha soo socota ayada oo horay uu u ahaa 124.13centi laga soo bilaabo 15 bishii November .
Qiimaha dhiisalka ayaa waxa hoos loo soo dhigay 3shiling iyo 33 centi litarkii 110shiling .97centi liitarkii halka qiimaha gaaska uu hoos u soo dhacay 4 shiling 13centi markaasi oo liitarkii uu noqonayo 90shiling iyo 74centi .
Hoos u dhaca qiimaha shidaalka noocyadiisa kala duwan ayaa ahaa wax la filayay ka dib markii todabaadkii aanu soo dhaafnay uu carrabka ku dhuftay xoghayaha joogtada ah ee wasaarada tamarta in qiimaha shidaalka uu hoos u soo dhici doono .