Xukuumadda Britain oo digniin culus u jeedisay Iran kadib markii la weeraray safaaradeeda Dhahran.
Published on November 30, 2011 by cabdulaahi · No Comments
30.November.2011:- Ra’isul wasaaraha Britain David Cameron ayaa ugu digay dowladda Iran Cawaaqib xumo kadib markii dibadbaxayaal u dhashay dalkaasi Iran ay weerareen safaaradda Birirain ay ku leedahay magaalada Dhahran, iyadoo dibad baxayaashu ay gubeen ducoment-iyo iyo calamka dalkaasi Ingiriirska, dadkan oo ka biya diidsan cunaqabateyntii todobaadkii hore ay Britain kusoo rogtay dalka Iran ayaa sidoo kale burburiyay daaqadaha dhismaha safaaradda Britain.
TV-ga qaranka ee Iran ayaa soo bandhigay sawiro muujinaya dadka dibad baxa dhigaya oo wayeelo u geysanaya safaaradda Britain , iyagoo sidoo kale dibadda usoo saaray sawirka boqoradda dalkaas Elazebith, ra’isul wasaaraha Ingiriiska waxa uu sheegay in xukuumadda Dhahran in ay difaaci weyso diblomaasiyiinta in ay tahay arrin ceyb ah oo aanan loo dulqaadan karin, sidoo kale Mareykanka , Faransiiska, Jarmalka Midowga Yurub iyo golaha ammaanka ayaa cambaareeyay falkaasi ay ku kaceen dibad baxayaasha, waxa ayna tilmaameen in xukuumadda Dhahraan ay jabisay qawaaniinta iyo baratakoolada u yiilay ilaalinta diblomaasiyiinta iyo safaaradahooda, laakiin dowladda Iran waxa ay carabaabtay in ay aad ugu xun tahay dhacdadaas.
David Cameron waxa uu tilmaamay in dowladda Iran ay ogaadaan in ay jiri doonto cawaaqib daran oo ku aadan difaacid la’aanta ay sameysay waa uuna sii raaciyay in ay daraaseynayaan waxa ay ku dhaqaaqi doonaan maalmaha soo socda.
Golaha Barlamanka ee dalka Iran ayaa Axaddii si aqlabiyad ah ugu codeeyay go’aan ku saabsan in la yareeyo xiriirka kaal dhexeeya Ingiriiska kadib markii ay britain ku dhawaaqday in cunaqabateyn cusub ay kusoo rogtay xukuumadda Dhahran.