Kooxaha u dooda xuquuqta aadnaha iyo qareeno soo dhaweeyay gudoonkii maxkamada sare ee ka dhanka ahaa Alsbashir.
Published on November 30, 2011 by cabdulaahi · No Comments
30.November.2011:- Kooxaha u dooda xuquuqda aadanaha iyo sharci yaqaano ayaa si weyn u soo dhaweeyay gudoonkii maxkamada sare sare ee dalka ee ahaa in Cumar Xasan Al-bashiir la xiro hadii uu dalka Kenya cagaha soo dhigo.
Qareen James Mwamu iyo gudoomiyaha gudiga qaran ee xuquuqta aadanaha dalka Florence Jaoko ayaa ku tilmaamay gudoonka maxkamada mid taariiqi ah waxaa ayna dowlada ka dalbadeen in ay taaba galiso go’aankaas maxkamada kasoo baxay.
Jaoko, iyo jooj Kegoro oo isaguna ah la taliye sare oo ka tirsan gudiga caalamiga ah ee garsoorka ayaa ku tilmaamay in jawaabtii ay Sudan arintan ka bixisay ay ahayd mid nasiib daro ah isla markaana ay ahayd in ay kala saarto awoodaha waaxaha dowlada ee dalka Kenya isla markaana garsoorka dalka Kenya uu yahay mid madax banaan.
Pool Muite oo isna ah garyaqaan dhanka dastuurka ah ayaa gudoonka maxkamada ee Albashiir ku tilmaamay mid taariiqi ah taas oo dib u soo celin karta ayuu yiri kalsoonida lagu qabi karo garsoorka dalka.
Ka dib gudoonkii ay riday maxkmada sare ee dalka ayaa waxaa ay taa dhalisay in dowlada Sudan ay kaga jawaabto in safiirkii Kenya u fadhiyay Sudan ay soo cayriso isla markaana keedii Nairobi ay dib ugu yeeratay.
Si kastaba ha ahaatee Xukumada Nanirobi ayaa sheegtay in xukunkaas ay racfaan ka qaadaan doonto isla markaana ay ku dadaalayso sidii uu u sii jiri lahaa xiriirka wanaagsan ee u dhaxeeya labada dal.