Dowlada oo sheegtay in aysan xiligan mushaar kordhin u samayn karin dhaqaatiirta .
Published on November 30, 2011 by cabdulaahi · No Comments
30.November.2011:- Dhaqaatiirta ayaa sugi doonta mushaar kordhin ay dowlada u samayso in ka badan intii ay filayeen ka dib markii ay dowlada sheegtay in aysan mushaar kordhin u samaynaynin tan iyo inta laga dhisayo gudiga mushaaraadka iyo gunooyiinka.
Wasiir ku xigeeenka adeega caafimaadka dalka ayaa waxaa uu baarlamaanka u sheegay in dowlada aysan imika mushaar kordhin samaynayn madaama aanan wali la dhisin gudigii musharaadka ee ay arintan qusaysay.
Sidoo kale Wasiirka ayaa sheegay in waaxda Keyd haynta dalka ay u gudbiyeen arintaan hasa yeeshee aysan wax jawaab ah ka helin wali.
Ururka ay ku bahoobeen dhaqaatiirta isbitaalada dowlada iyo wasaarada caafimaadka dadwaynaha ayaa horaan yeeshay kulan ay kaga wada hadleen dalabka dhaqaatiirta kaas oo lagu heshiiyay in arintan lagu dhameeyo wada xaajood.
Dhaqaatiirta ayaa dalbanaya in loo kordhiyo mushaarka maadaama shaqooyin badan oo dheeraad ah ay qabtaan.
Ururka ay ku bahoobeen dhaqaatiirta isbitaalada dowlada ayaa ku hanjabay in ay shaqa joojin ku dhaqaaqi doonaan 5-ta bisha December ee soo socota hadii aan dalabkooda la tix galin.