Mareykanka oo Cuna qabatayn saaray Wasiirka Dalxiisa Kenya iyo Shiikh Imaam ka ah Masjid kuyaal Islii.
Published on July 31, 2011 by cabdulaahi · No Comments
31.JULY.2011:- Waaxda kayd haynta ee Dowlada Maraykanka ayaa ku dhawaaqday in ay cuna qabatayn dhanka dhaqaalaha ah ay ku soo rogeen shaqsiyaadka kenyanka ah oo lagu tilmaamay in ay xubna ka yihiin kooxda Al-Sabab oo uu kujiro Mid kamid ah imaamyada masaajidada kuyaal Xaafada Islii ee Magaalada Nairobi.
Sh Hassan Mahat Omar ayaa waaxda kayd haynta Maraykanka waxaa ay ku tilmaamtay in uu ka mid yahay dadka gooya go’aanada marka ay timaado gudaha iyo siyaasada iyo waliba arimaha howlgalada Kooxda Al-shabaab oo Maraykanku ay u aqoonsanyihiin koox argagixiso.
Si kastaba Wasiirka dalxiiska Kenya ayaa wacad ku maray in uu maxkamad gayn doono kooxda QM ee indhindhaysa arimaha Somaaliya iyo Eratariya kadib Markii ay Wasiirka la xariiriyeen in uu taageeray Howlgalka Al-Shabaab ay kawadaan Soomaaliya.
Mr Balala ayaa saxaafada ugu sheegay deegaanka laga soo doorto in qareenkiisa uu ku amray in uu bilaabo hanaankii sharci ee loo mari lahaa dacwada ka dhanka ah QM.
Warbixinta ay soo saartay kooxda QM ee la socota xaalada Soomaaliya iyo Eratariya ayaa waxaa lagu sheegay in Mr Balaala oo ah Wasiirka Dalxiiska Xukumada Nairobi uu ka qayb galay xaflad lacago loogu uruurinayay masaajidka riyaad ee ku yaala Xaafada Pumwani bishii Sep 2009-kii markaas oo uu ku tabarucay lacag gaaraysa 200,000 ShK isla markana halkaas ay ahayd goob Al-shabab laga taageero.
“Waxaan ahay Wasiir Kenyan ah kaas oo inta badan ah qof nabad iyo dulqaad leh mana hayo waqti aan kaga qeyb qaato xumaynta Qof kale”ayuu yiri Sarkaalkan.
Dadkan lala xariirinayo in ay Al-Shabaab taageereen ayaa sidoo kale waxaa kujirta Xildhibaanada sida magacaabida ah kusoo gasha Barlamaanka Amina Cabdalla.