Dibad baxyo lagu dalabanayo in uu is casilo wasiirka arrimaha gudaha Masar oo ka dhacay dalkaas
Published on June 30, 2011 by anteno · No Comments
Egypt: – Kumanaan qof oo dibad baxayaal ah ayaa hor dhoobtay xarunta wasaaradda arrimaha gudaha ee dalka Masar iyagoo dalbanaya in uu is casilo wasiirka arrimaha gudaha ee dalkaas Mansuur Ciisawi, waxeyna ku dhawaaqayeen ereyo ay ugu soo horjeedeen Major Maxamed Xusyn Dhandhawi oo ah madaxa golaha ciidanka ee ka taliya dalkaas.
Xukuumadda Masar ayaa ka hor timid dalabka dibad baxayaasha waxeyna tilmaantay in aysan xilka ka qaadi doonin wasiirka arrimaha dibadda.
Dhanka kale Dr Caadil Caadawi kaaliyaha wasiirka caafimaadka ee dalka Masar waxa uu sheegay in isku dhacyada Police-ka iyo dibad baxayaasha ay ku wax yeeloobeen talaadadii iyo arbacadii dad gaaraya 1037 qof oo 916 kamid ah lagu daweeyay isla fagaaraha xoriyadda maadaama dhaawacoodu uu ahaa mid fudud.
Dibad baxyadan kasoo cusboonaaday dalka Masar ayaa ah kuwa ku yimid Caro ka timid shacabka iyagoo ka careesan sababa ila aiyo imika cadaaladda loo hogetn la’yahay Mas’uuliyiintii ka dambeeyay dadkii ku geeriyooday kacdoonkii 25 kii January ee looga soo horjeeday Madaxweynihii hore ee dalkaas Maxamed Xusni Mubarak.
Ra’isul wasaaraha Masar Cisaam Sharaf waxa uu ugu baaqay dadka dibad baxa sameynaya in ay is dejiyaan islamarkaana ay dhowraan halgankii ay usoo galeen kacdoonkii 25-kii January ee ay xukunka ugu tureen Xusni Mubarak.