Published on June 29, 2011 by anteno · No Comments
Greece: – Ciidamada POlice-ka ee dalka Greece ayaa u adeegsaday sunta dadka ka ilmeysiisa dad dibad bax ka sameynayay caasimadd dalkaas ee Athina oo ka cabanaya dhimsi ku aadan guud ahaan lacaga ku baxa dalkaas, dhaqaali darrida oo ay usii dheer tahay shaqo la’aan.
Ciidamada Police-ka ayaa la sheegay in ay xireen goobaha leys dhihi karo wey ka bixi karaan kooxda dibad baxa dhigeysa oo gaari ku gubay mid kamid ah wadooyinka dalkaas .
Dibad baxyada ayaa imaanaya xilli shalay uu ku baaqay Ra’izul wasaaraha dalkaas Jorj babandario xubnaha barlamanka in ay taageeraan barnaamijka lagu xadidayo qarashadka ku baxa guud ahaan dalkaas ee lagu wado in barlamanka ay maanta u codeeyaan.
Inkabadan 5 kun oo ka tirsan ciidanka Police-ka aya lagu daadiyay caasimadda dalkaas si ay ugu hortagaan dadka dibad baxyada sameynaya islamarkaana ay ka manuucaan in ay soo gaaraan aqalka Barlamanka oo la sheegay in uu kamid yahay goobaha bartilmaameedka u ah diba dbaxayaasha.
Dalka Greece ayaa waxaa heysata dhibaato dhanka dhaqaalaha ah tasoo sababtay in xitaa midowga Yurub ay isku khilaafaan qaabkii loo caawin lahaa dalkaas si ay ugu soo kabato dhibatada dhanka dhaqaalaha ah ee heysata.