Albashiir iyo dhiggiisa Shiinaha oo ka wada hadlay arrimo la xiriira horumarka iyo iskaashiga labada dal
Published on June 29, 2011 by anteno · No Comments
Sudan: – Madaxweynaha Shiinaha Huu Jantaw iyo dhiggiisa Sudan Cumar Al-bashiir ayaa kulan ku qaatay caasimadda Shiinaha ee Beijing kadib markii shalay si heer sare loo soo dhaweeyay Albashiir , inkastoo Mareykanka iyo qaar kamid ah hey’adaha xuquuqul insaanka ay si daran u cambaareeyeen soo dhaweyntaasi
Huu Jantaw ayaa si aad ah usoo dhaweyay Albashiir oo ay doon dooneso maxkakamadda Dambiyada Caalmiga ee ICC-da kadib markii lagu eedeeyay dambiyo dagaal iyo kuwa ka dhan ah xuquuqda aadanaha oo la sheegay in uu ka geystay gobolka Darfor ee galbeedka Sudan oo la tilmaamay in lagu dilay 300 oo kun oo rayid tan iyo sanadkii 2003-dii.
Madaxweynaha Sudan ayaa aad ugu mahad celiyay dhiggiisa Shiinaha sida diiran ee loo soo dhaweeyay iyo qaabka loola dhaqmay waxa uuna tilmaamay in xiriirka ay la leeyihiin Shiinaha uu sii xoogeysanaya marba marka ka dambeesa.
Labada dhinac ayaa waxey shalay wada saxiixdee heshiis ah sidii loo xoojin lahaa soo saaridda shidaalka ee Sudan iaydoo howlahaasna ay u istaagayaan shirkado kale oo Shiinaha ah oo kaba kuwa imika ka howl gala gudaha Sudan.
Waxaa lagu wadaa maanta in labada madaxweyne ay wada saxiixdaan heshiiyo kale oo ku aadan dhinacyaad iskaashiga iyo horumarinta ah.
Shiinaha ayaa xiriir qoto dheer la leh dalka Sudan isbuucii horena waxa ay shaaca ka qaadan in Madaxweynaah Sudan asyanmarnaba u dhiibi doonin ICC-da maadaama asyan ka mid aheyn dalalkii saxiixay heshiiskii lagu dhisay ICC-da.
Mareykanka ayaa si xun u cabaareeyay tallaabada ay qaatday Shiinaha ee ku aadan soo dhaweynta Al-bashiir iyo casuumadda, Hey’adda udooda xuquuqda aadanaha ee HUman rights Watch waxa ay iyana tilmaantay in arrinka uu yahay mid lagu ihaaneeynayo dhibanayaasha dhibaatada loogu geystay gobolka Darfor, Amnesty International-na waxa ay ku sheegtay dalka Shiinuhu in uu noqday hooy ay gambaad ka dhigtaan dadka geysta dambiya ka dhanka ah xuquuqda aadanaha.