Somalia: – Ururka caafimaadka adduunka WHO ayaa sheegtay in cudurka Daacuunka uu dad aad u tira badan ku dilay gudaha dalka Soomaalya bishii hore ee sanadkan.
Tirada Dhimashada ayaa lagu sheegay in ay gaarayso in kabadan 85 qof halka qaar kalana uu saameeyay.
Afhayeen uhadlay Hay’ada Caafimaadka Aduunka uqaabilsan Qaramada Midoobay ee WHO oo lagu magacaabo Pieter Desloover ayaa sheegay in Magaalooyinka Muqdisho ,Afgoye iyo Baydhabo ay yihiin kuwa ugu badan ee uu cudurkan saameeyay.
Waxaa la xaqiijiyay in Isbitaalka Banaadir ee Caasimadda Soomaalia ee Muqdisho ay kudhinteen 85 qof oo cudurkaas uu kudhacay.
Afhayeenka WHO uhadlay waxaa uu tilmaamay in Cudurkan uu aad kor ugu kacay Bishii April ee lasoo dhaafay.
Dadka ugu badan ee uu cudurkan Daacuunka uu saameeyay ayaa lasheegay in ay yihiin Caruur kayar da’da Shan sano jirka ah.
Dadka uu haleelay cudurkan ayaa inta badan aanan helin biyo nadiif ah iyadoo ay taasi udheertahay in ay jireen Roobab biyo dhigay Gobolada Qaar ee Dalka Soomaaliya iyo Nadaafad xumo isbiirsatay.
Dalka Soomaaliya ayaanan lahayn wax dowlad dhexe ah oo daryeesha dhanka caafimaadka 20-kii sano ee lasoo dhaafay, waxaana jira kooxo yar oo dhanka Caafimaadka kashaqeeya oo la tacaala dhibaatooyinkan sii kor dhaya marba marka ka dambeysa.